Шанхай Кызматташтык Уюмунун (ШКУ) түзүлгөндүгүнүн 25 жылдыгына карата Бишкекте уюмга мүчө мамлекеттердин ЖМК жетекчилеринин жана аналитикалык борборлорунун форуму өтүүдө. Бул эл аралык иш-чарада санариптик доордун чакырыктары, анын ичинде жасалма интеллектти колдонуу, киберкоопсуздукту камсыздоо жана дезинформацияга каршы туруу маселелери каралат.
«Кабар» УИАнын директору Медербек Шерметалиев билдиргендей, форумдун катышуучулары заманбап медиа мейкиндигинин алдында турган негизги чакырыктарды талкуулашат. Бул темаларга санариптик технологиялардын өнүгүшү, киберкоопсуздук, жасалма интеллектти колдонуу, дезинформацияга жана фейк жаңылыктарга каршы күрөш, ошондой эле ШКУнун алкагында маалымат коопсуздугун камсыздоо маселелери кирет.
Шерметалиев белгилегендей, жолугушуунун негизги максаты — ШКУ өлкөлөрүнүн алдыңкы ЖМК жетекчилери менен эксперттеринин ортосунда тажрыйба алмашуу. Форумдун жыйынтыгында эч кандай документтерге кол коюу пландаштырылган эмес, негизги жыйынтык кесипкөй диалог жана мыкты тажрыйба алмашуу болот.
«Кабар» жетекчисинин пикири боюнча, ар кайсы өлкөлөрдө маалыматты жарыялоого карата ар түрдүү ыкмалар болгонуна карабастан, мындай аянтчалар журналисттерге бири-биринен ийгиликтүү тажрыйбаларды үйрөнүүгө мүмкүндүк берет.
Азырынча комментарий жок. Биринчи болуңуз!
Жакшыраак сунуштарды алуу үчүн кириңиз
