Кыргызстан президенти Садыр Жапаров өзбекстандык кесиптеши Шавкат Мирзиёевди Кыргызстанда өткөрүлө турган маанилүү эл аралык иш-чараларга катышууга чакырды. Бул тууралуу ал Чолпон-Атадагы сүйлөшүүлөрдөн кийин билдирди.
Жапаров Шавкат Мирзиёевди Алтынчы Дүйнөлүк көчмөндөр оюндарынын салтанаттуу ачылышы, 2026-жылдагы ШОС саммити жана 2027-жылдагы экинчи «Бишкек+25» тоо саммитине катышууга чакырганын белгиледи.
Президент эки тараптуу сүйлөшүүлөргө канааттанганын айтып, өзбек президентинин Кыргызстан менен Өзбекстандын мамилелерин өнүктүрүүгө жана элдердин достугун бекемдөөгө кошкон салымдары үчүн ыраазычылыгын билдирди.
Жапаровдун айтымында, бул мамлекеттик визиттин жыйынтыктары Кыргызстан менен Өзбекстандын гүлдөп-өнүгүшүнө, тынчтык, туруктуулук жана өз ара ишенимдин бекемделишине шарт түзөт.
