VI Дүйнөлүк көчмөндөр оюндары Кыргызстанда ири спорттук эле эмес, эл аралык маданий долбоор түрүндө өтөт. Ал дүйнөгө кыргыз элинин мурастары менен көчмөн цивилизациясынын баалуулуктарын көрсөтүп, туристтер үчүн уникалдуу мүмкүнчүлүктөрдү сунуштайт.
Алып баруучулар жана коноктор үчүн атайын туристтик маршруттар уюштурулуп, анда кыргыз элинин тарыхы, салттары, устачылыгы, улуттук тамактары жана көчмөн жашоо образы толук чагылдырылат.
Ачылыш иш-чарасы Бишкек шаарында өтөт
Оюндардын салтанаттуу ачылышы Бишкектеги «Бишкек Арена» жаңы курулуп жаткан стадионунда өтөт. Бул заманбап арена 51 миң көрүүчүдөй сыйымдуулукка ээ жана курулуш жумуштары акыркы баскычта турат.
Ачылыштан кийин катышуучулар жана расмий делегациялар негизги мелдештер өтүүчү Ысык-Көл облусуна жол алышат. Спорттук жана маданий иш-чаралар 1ден 6-сентябрга чейин өткөрүлөт, ал эми жабылыш иш-чарасы Чолпон-Ата шаарында уюштурулмакчы.
