2026–2027 окуу жылынан баштап Кыргызстандагы жалпы мектептердин 8-класстары инженердик технологиялар предметин окутууга башташат. Бул тууралуу Министрлик маалымдады.
Окуу планына жума сайын эки саат бөлүнөт. Анда программалоонун, робототехниканын жана инженердик долбоорлоонун негиздери өздөштүрүлөт.
Окуучулар күнүмдүк жашоого байланыштуу маселелерди инженердик жана IT-ыкмалар менен чечүүгө үйрөнүшөт жана практикалык тапшырмаларды аткарышат.
Программаның өзөгүндө командалык иш жана креативдүү, критикалык ой жүгүртүү жөндөмдөрүн өнүктүрүү турат. Окуучулар өз идеяларын ишке ашырууну жана долбоорлорду тааныштырууну үйрөнүшөт.
Тийиштүү методикалык материалдар Кыргыз билим академиясынын сайтында жайгаштырылган.
