2026-2027-окуу жылынан баштап Кыргызстандын мектептеринде 8-класстын окуучулары үчүн кесипке багыт берүү компоненти киргизилет. Бул тууралуу Билим берүү министрлиги билдирди.
Бул жаңычылдык мектеп окуучуларынын кесиптик багытын аныктоого багытталган. 8-класстын окуучулары үчүн кесипке багыт берүү боюнча 14 программа иштелип чыккан.
Кесипке багыт берүү компонентин окутууга жумасына эки саат бөлүнөт. Мекемеден белгилешкендей, бул даярдоонун киргизилиши окуучуларга билим берүүнүн ар кандай багыттары менен эртерээк таанышууга жана келечектеги билим берүү жана кесиптик жолун тандоого жардам берет.
