Бишкектеги «Восток-5» микрорайонунда светофордун иштөөсү калыбына келтирилди. Мэрияга караштуу шаардык жол транспорт инфраструктурасы мекемеси билдиргендей, алгач 10-августта адистер техникалык кызмат көрсөтүшкөн.
Техникалык карап чыккандан кийин, светофордун туура эмес иштешине контроллердин бузулганы себеп экени аныкталган. Бул элемент алмаштырылып, кайрадан жөндөө иштери жүргүзүлдү.
Азыр светофор штаттык режимде иштеп жатат, кайрылуу убактысы 28 секундду түзөт. Бирок пешеходдук стойкалардын бириндеги кабель бузулуп калгандыктан, ал учурда оңдолууда.
Азырынча бузулган стойка өчүрүлүп турат. Мэриянын маалыматына караганда, оңдоо бүткөн соң, ал толук калыбына келтирилет.
