Бүгүн, 9-августта Ысык-Көл районунун Кырчын капчыгайында кызды ат бир нече жүз метрге сүйрөп кеткен окуя катталды. Бул тууралуу Kaktus.media басылмасына күбөлөр билдиришкен.
Алдын ала маалыматтарга караганда, кыз аттан кулап түшүп, бирок бир буту үзөңгүгө тыгылып калган. Мындан улам ат аны жогорку ылдамдыкта сүйрөп, бир нече жүз метрге чейин чуркаган.
Көп өтпөй башка атчандар жаныбарды токтотуп, кызды бошотууга жетишкен. Учурда жабырлануучунун абалы тууралуу так маалыматтар жок.
