Талас шаарындагы тарыхый «Манас Ордо» комплекси 85%га реконструкцияланды. Бул тууралуу курулуш министрлиги билдирди.
Объектте 400дөн ашуун куруучулар иш алып барууда, алар архитектуралык жана инфраструктуралык иштерди жүргүзүүдө.
Реконструкциянын алкагында комплексте административдик борбор курулат, 300 орунга ылайыкташкан конгресс-холл, ошондой эле улуттук стилиндеги коттедждер жана 3500 адамга ылайыкталган маданий массалык иш-чаралар борбору пайда болот.
Музейдин аянты 450 чарчы метрден 1500 чарчы метрге чейин кеңейтилип, андагы экспонаттар жана көргөзмөлөрдүн саны көбөйөт.
«Манас Ордо» комплекси жалпы 225 гектарга жайгаштырылган, жана ал акыркы 30 жылда биринчи ирет ири масштабда реконструкциядан өтүп жатат.
Министр Нурдан Орунтаев курулуш иштерин тездетүү максатында жумушчулардын санын көбөйтүүгө жана сапатты катаал көзөмөлдөөнү талап кылды. Реконструкциянын бүткөнү өлкөнүн Эгемендүүлүк күнүнө туура келүү пландалууда.
