Материалдар: 5
Баткен облусунда VI Дүйнөлүк көчмөндөр оюндарына даярдык көрүү алкагында 40 күндүк "Биримдик кербени" деп аталган улуттук жөө жүрүш старт алды. Бул демилге кыргыз элинин биримдигин чыңдоо, көчмөн маданиятынын баалуулуктарын жайылтуу жана өлкөнүн ар бир аймагындагы ыйык булактардан суу чогултуу максатын көздөйт.
Баткен облусунун президентинин ыйгарым укуктуу өкүлү Мамыржан Рахимов менен Өзбекстандын Фергана облусунун башчысы Хайрулло Бозаров Шахимардан аймагында жолугушуп, эки тараптуу кызматташтыкты өнүктүрүү маселелерин талкуулашты. Жолугушууда соода-экономикалык байланыштарды кеңейтүү, биргелешкен туристтик зонаны өнүктүрүү жана айыл чарба продукцияларын алмашуу үчүн логистикалык борборлорду түзүү боюнча макулдашууларга жетишилди.
Кыргызстандын Баткен облусунун ыйгарым укуктуу өкүлү Мамыржан Рахимов Тажикстандын Согдий облусунун башчысы Раджоб Ахмадзода менен чек ара коопсуздугу, эки тараптуу кызматташтыкты өнүктүрүү жана биргелешкен долбоорлорду жүзөгө ашыруу маселелерин талкуулашты. Жолугушуу Тажикстандын Гулистон шаарында өттү, анда күч түзүмдөрүнүн жетекчилери жана чек аралык аймактардын башчылары да катышты.
Баткен шаарында 10 миң адамды кабыл алууга жөндөмдүү чоң спорт стадиону 2026-жылдын октябрь айынын аягына чейин бүтөт. Анын курамына футбол аянты, үч машыгуу талаасы, мини-футбол үчүн төрт оюн аянты, 100 орундуу жатакана жана 200 унаага ылайыкталган күтүүчү жай кирет. Бул курулуш аймактагы спортту өнүктүрүү жана ири иш-чараларды өткөрүү үчүн заманбап шарттарды түзөт.
Баткен облусунда республикалык бюджеттен каржыланып жаткан заманбап оптово-торговый комплексинин курулушу уланууда. Аталган долбоор төрт блоктон куралып, регионалдык соода жана ишкерликти өнүктүрүүгө багытталган.
