“Кабар” агенттигине берген интервьюсунда Бахрейн Королдугунун Gulf Университетинин профессору Ахмед Тавальби дүйнөлүк маалымат мейкиндигиндеги тез өзгөрүүлөр шартында эл аралык медиа форумдун өзгөчө маанисин баса белгиледи. Ал мындай аянтчалар бүгүнкү күндө өтө зарыл экенин, анткени алар ар кайсы өлкөлөрдүн өкүлдөрүнө бири-бирин жакшыраак түшүнүүгө, тажрыйба алмашууга жана актуалдуу чакырыктарга биргелешип жооп издөөгө мүмкүнчүлүк берерин айтты.
Профессор Тавальби Бахрейндеги Gulf Университетинде медиа тармагында профессор болуп иштээрин билдирди. Анын айтымында, университет Россия менен маданий байланыштарды өнүктүрүүгө көңүл бурат, ал жерде орус тилин үйрөтүүчү Орус борбору ачылган.
Эске салсак, Бишкекте биринчи жолу ШКУга мүчө мамлекеттердин ЖМКларынын жана аналитикалык борборлорунун форуму өтүүдө. Аны Кыргыз улуттук маалымат агенттиги уюштурууда.
