Каракол эл аралык каттамдарды кабыл алууга даярданып жатат. ОАО «Кыргызстан Аэропорттору» компаниясынын башкы директору Манас Самидинов аэропорттун учуп-учуруу тилкесин узартуу иштери 95% аяктаганын жана бул өзгөрүүлөр учактарды күндүз эле эмес, түндө да тейлөөгө мүмкүнчүлүк түзөрүн билдирди.
Самидинов август айынын ортосунда Каракол аэропортунан биринчи техникалык эл аралык учуу пландалып жатканын белгиледи. Учуп-учуруу тилкесиндеги заманбап жарык берүүчү жабдуулар орнотулуп, аэропорттун кызмат көрсөтүү мүмкүнчүлүктөрү кеңейди.
Аэропорттун эл аралык статусун жогорулатуу жана туруктуу каттамдарды ачуу максатында авиакомпаниялар менен сүйлөшүүлөр улантылып жатат. Бул иш чаралар аймактагы авиакызмат көрсөтүүнүн сапатын жогорулатууга багытталган.
