Үстүбүздөгү жылдын 23-24-июль күндөрү Беларусь Республикасынын Минск шаарында Көз карандысыз Мамлекеттер Шериктештигине (КМШ) мүчө-мамлекеттердин XXIII «Китеп искусствосу» эл аралык конкурсу болуп өттү. Аталган иш-чарада Кыргызстан тарыхый ийгиликке жетишип, жалпы 9 кадыр-барктуу сыйлыкка ээ болду.
Маданият, маалымат, спорт жана жаштар саясаты министрлиги билдиргендей, бул эл аралык конкурска Азербайжан, Беларусь, Казакстан, Кыргызстан, Орусия, Тажикстан мамлекеттеринин, ошондой эле КМШ Аткаруу комитетинин өкүлдөрү катышты.
Сыйлыктардын бөлүштүрүлүшү
Бул ийгилик кыргыз китеп басып чыгаруу өнөрүнүн, полиграфиясынын, басылмаларды көркөм жасалгалоонун жана китеп иши маданиятынын жогорку эл аралык деңгээлин дагы бир жолу тастыктады.
Айрыкча, Гран-прини багындыруу өзгөчө мааниге ээ болду. Бул заманбап кыргыз китеп искусствосунун эл аралык деңгээлдеги атаандаштыкка жөндөмдүүлүгүн көрсөтүп, кыргыз маданиятынын дүйнөлүк аренадагы аброюн чыңдады.
Кыргыз Республикасынын Мамлекеттик китеп палатасы бул жеңишти авторлордун, сүрөтчү-дизайнерлердин, басмаканалардын, илимий мекемелердин жана китеп басып чыгаруу чөйрөсүндө эмгектенген бардык адистердин жемиштүү биргелешкен эмгегинин натыйжасы катары карайт.
