Кыргызстанда салмак-габариттик унаа каражаттарын көзөмөлдөөнүн автоматташтырылган системасын түзүүнүн кийинки этаптары аныкталды. Бул тууралуу КР Транспорт жана коммуникациялар министрлиги билдирди.
Бул жыйынтыктар 25-31-октябрда Expertise France уюмунун колдоосу менен өткөн эл аралык эксперттик миссиянын натыйжасы болду.
Эксперттик миссиянын ишине сереп
Салмак-габариттик көзөмөл жана кыймылдагы таразалоо (WIM) технологиялары боюнча эл аралык эксперт Баки Куран жетектеген эксперттик топ системаны жаңыртуу боюнча иш жүргүздү. Миссиянын алкагында министрликтин жетекчилиги жана профилдик адистер менен жолугушуулар өткөрүлдү.
- «Ак-Тилек» жана «Кемин» салмак-габариттик постторунун ишмердүүлүгүн изилдөө
- Системаны жөнгө салуу жана каржылоо маселелерин карап чыгуу
- Мамлекеттик органдардын ортосунда маалымат алмашуу
Иштин жыйынтыгында эксперттер автоматтык таразалоо жана укук бузууларды каттоо технологияларын киргизүүгө багытталган сунуштарды тапшырышты. Презентация Транспорт жана коммуникациялар министринин орун басары Б. А. Момбековдун жана Expertise France долбоорунун жетекчиси Я. Блинкинин катышуусу менен өттү.
