Орусиянын тышкы иштер министри Сергей Лавров бул билдирүүсүн 24-июлда Чолпон-Ата шаарында Кыргызстандын президенти Садыр Жапаров менен жолугушуусунда жасады. Жолугушууга ШКУга мүчө мамлекеттердин тышкы иштер министрлери да катышты.

Менин эч кандай шегим жок, Мамлекет башчыларынын кеңешинин жыйыны жана «ШКУ плюс» форматындагы жолугушуу Кыргызстандын төрагалыгынын туу чокусу болот. Бул уюмдун өнүгүүсүндө жаңы этапты ачып, ШКУнун алдында турган милдеттерди чечүү боюнча биргелешкен аракеттерибизге кошумча динамика берет.
Сергей Лавров

Лавров кыргыз тарапка көрсөтүлгөн жылуу кабыл алуу жана меймандостук үчүн ыраазычылык билдирди. Мындан тышкары, ал англис тилин ШКУнун расмий жана иш тилдеринин катарына кошуу чечиминин маанилүүлүгүн белгиледи.