Талас облусундагы Кировка–Гребень–Плотина автожолунун Кызыл-Адырдан Чоң-Капкага чейинки узундугу 11 чакырымдык бөлүгү толук асфальтталды.
Транспорт жана коммуникациялар министрлигинин маалыматына караганда, бул асфальттоо аймакта жолдордун сапатын жакшыртып, жергиликтүү тургундардын кыймылын ыңгайлуу жана коопсуз кылат.
2026-жыл үчүн бекитилген титулдук тизмеге ылайык, Талас облусунун Айтматов жана Манас райондорунда жалпы узундугу 28 чакырым болгон жолдор асфальтталат.
- Тараз–Покровка–Кайыңды жолунун 9 чакырымы (азыркы учурда ЩМА төшөлүүдө)
- Гребень–Плотина–Покровка жолунун 8 чакырымы (экинчи асфальт катмары төшөлүүгө даярдалган)
- Кировка–Гребень–Плотина жолунун 11 чакырымы (Кызыл-Адыр–Чоң-Капка, толугу менен асфальттоо аяктады)
Бул үч участок боюнча жүргүзүлгөн жол ремонттук иштеринин жүрүшү региондун транспорттук инфраструктурасын жакшыртып, аймактын экономикалык өнүгүүсүнө салым кошот.
