ШКУ медиа форуму жана эл аралык аброю

Бишкекте Шанхай кызматташтык уюмуна (ШКУ) мүчө өлкөлөрдүн жалпыга маалымдоо каражаттарынын жана аналитикалык борборлорунун форуму алгачкы жолу өткөрүлдү. Бул иш-чарага дүйнөнүн 26 мамлекетинен 250дөн ашык делегат катышты.

Форумга катышуу

250+катышуучу
26өлкө

"Кабар" агенттигине берген маегинде журналист жана медиаэксперт Азамат Тынай тегин мындай деңгээлдеги форумдун өткөрүлүшү Кыргызстандын эл аралык аброюнун бекемделиши жана акыркы жылдардагы дипломатиялык ийгиликтери менен байланыштуу экенин айтты.

Биринчи кезекте, мындай медиа иш-чараны биринчи жолу көрүп жатканымды айткым келет. Чынын айтканда, мурда Кыргызстанга 26 өлкөдөн 250дөн ашык делегат келет деп эч ким элестете алган эмес. Бул быйыл Кыргызстандын ШКУга төрагалык кылганы менен гана эмес, дүйнөлүк коомчулуктун биздин өлкөгө болгон кызыгуусунун артышы жана акыркы жылдардагы дипломатиялык ийгиликтерибиз менен да байланыштуу, анын аркасында Кыргызстан Бириккен Улуттар Уюмунун Коопсуздук Кеңешинин туруктуу эмес мүчөсү болду.
Азамат Тынай тегин

Медиаэксперт мындай эл аралык аянтчалардын ата мекендик журналистиканы мындан ары өнүктүрүү жана кесиптик тажрыйба алмашуу үчүн өтө маанилүү экенин баса белгиледи.