Кыргыз Республикасынын Транспорт жана коммуникациялар министрлигинин орун басары Бактылуу Аскар уулу Момбеков Талас облусуна жумуштук сапар менен барып, бир нече жол объектилериндеги оңдоо иштерин жеринде текшерди.
Текшерүү учурунда Суусамыр-Талас-Тараз жана Талас-Беш-Таш автожолдорунун абалы изилденди.
Мындан сырткары, «Чынгыз Ааламы» жана «Манас-Ордо» тарыхый жана маданий комплекстерине жеткирип туруучу жолдорго өзгөчө маани берилди.
Атап айтканда, «Чынгыз Ааламы» комплекси үчүн жаңы подъезддеги жол курулушу жана «Манас-Ордо» комплекси үчүн кириш жана айланып өтүүчү жолдор текшерилди.
Ошондой эле, Кировка – Гребень – Плотина автожолунун оңдоо жүрүшү каралып, аткарылган иштердин сапаты жана мөөнөттөргө ылайыктуулугу тууралуу маалымат берилди.
