ШКУнун ролу жана өнүгүүсү

Рахимовдун айтымында, ШКУ бүгүнкү күндө 10 мүчө мамлекеттен, ошондой эле 16 өнөктөш жана байкоочу өлкөдөн турат. Бул уюм регионалдык гана эмес, глобалдык деңгээлде да негизги ролду ойноп жатат.

ШКУга мүчө өлкөлөр Улуу Жибек Жолу аркылуу бириккен бай тарыхый жана цивилизациялык мураска ээ. Билим берүү, маданият жана башка тармактардагы биргелешкен долбоорлор бул кызматташтыктын уландысы болуп саналат.

Экономикалык кызматташтык жана чакырыктар

Эксперт акыркы жылдары Кытай менен Борбор Азия өлкөлөрүнүн ортосундагы кызматташтык олуттуу түрдө кеңейгенин баса белгиледи.

Товарооборот Кытай — Борбор Азия

50 млнАКШ доллары (мурда)
106 млрдАКШ доллары (азыр)

"Бир алкак – бир жол" демилгесинин алкагындагы транспорттук жана коммуникациялык долбоорлор Кытай, Борбор Азия, Европа жана Батыш Азия өлкөлөрүнүн ортосундагы байланыштарды чыңдайт.

Рахимов ошондой эле ШКУ мамлекеттери глобалдык жана регионалдык чакырыктарга туш болуп жатканын белгилеп, мындай шарттарда тыгыз координация жана тажрыйба алмашуу өзгөчө мааниге ээ экенин кошумчалады.