Информациондук чакырыктардын өсүп жаткан шартында, Кыргыз Республикасынын Маданият, маалымат, спорт жана жаштар саясаты министринин орун басары Салкын Сарногоева Бишкекте өткөн ШКУ өлкөлөрүнүн жалпыга маалымдоо каражаттарынын форумунда «Кабар» агенттигине берген маегинде медиа коомчулуктун күч-аракеттерин бириктирүүнүн маанисин белгиледи.

Бүгүнкү иш-чара ШКУга мүчө өлкөлөрдүн ЖМК өкүлдөрү диалогго активдүү катышып, өз ара аракеттенүүнүн натыйжалуу механизмдерин биргелешип иштеп чыгуусуна багытталган. Бүткүл дүйнөдө информациондук чабуулдар, дезинформация жана жалган маалыматтар таралып жаткан шартта, мындай аянтчалар өзгөчө мааниге ээ.
Салкын Сарногоева

Орун басардын пикиринде, форум тажрыйба алмашуу жана жалпыга маалымдоо каражаттарынын ишинде жаңы ыкмаларды издөө үчүн шарттарды түзөт.

Ал ШКУ көп миллиарддуу аудиторияны бириктирерин жана кызматташтыкты өнүктүрүү үчүн бул потенциалды колдонуу керектигин айтты. Уюм өлкөлөр ортосундагы өз ара аракеттенүүнү бекемдеп жана тереңдетип жатканын, бул процессте жалпыга маалымдоо каражаттары маанилүү ролду ойноорун баса белгиледи.

Сарногоева медиа кызматташтыкты өнүктүрүү ШКУга мүчө мамлекеттердин ортосундагы байланыштарды мындан ары да бекемдөөнүн маанилүү багыттарынын бири болорун кошумчалады.